Роналдо со хет-трик ги сруши надежите на Алавес за позитивен резултат (видео)

Шпанскиот фудбалски гигант Реал Мадрид продолжи со победите во Примера. Пред „кралевите“ овој пат паднаа фудбалерите на Алавес, кои пред домашната публика од големиот фаворит загубија со 1-3 (1-2).

Главна фигура на гостувањето во составот на Зинедин Зидан беше Кристијано Роналдо, кој стрелаше трипати и дојде до бројката од 350 гола во својата кариера, а еднаш во листата на стрелците се запиша и Алваро Мората. Домаќинот храбро се бореше, но само во првото полувреме, па дури и поведе преку Дејверсон во 7 минута, но потоа како да се загуби на теренот и му дозволи на противникот да притисне и да направи пресврт.

Сепак, бодовите да заминат за Мадрид се погрижи Кристијано Роналдо, кој најпрвин погоди од пенал за 1-1, за потоа со еврогол да го доведе својот тим во водство уште во првото полувреме. Роналдо имаше шанса за хет-трик, но не реализираше пенал во вторите 45 минути, пред Алваро Мората со беспрекорен лоб-удар да ги разреши дилемите околу победникот.

Конечните 1-4 ги постави Роналдо, кој сепак успеа да го комплетира својот хет-трик по двојното додавање со Марсело.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.