УМС на ВМРО-ДПМНЕ продолжува со успешната меѓународна соработка

УМС на ВМРО-ДПМНЕ во соработка со шведската фондација „Јарл Хјалмарсон“ од вчера до недела во хотелот „Мериот“ во Скопје, организира младинска конференција „Политичка комуникација и стратегии за кампања“.
Обраќање и предавање на конференцијата ќе одржи Владимир Нелоски, претседател на УМС ВМРО-ДПМНЕ.
На конференцијата предавање ќе одржат и гостите од Шведска Клара Варен, претседател на комисијата за мегународни односи во Советот на Стокхолмскиот регион, Фредерик Завештал, член на Националниот совет на партијата Вилма Елеонора Фрулих, проект-менаџер на фондацијата.
Учество на овој семинар ќе земат и околу 30 членови на УМС на ВМРО-ДПМНЕ од повеќе општини од Македонија.
На конференцијата ќе се обратат и ќе одржат предавање Владимир Божиновски, директор Институтот за политички истражувања и Владимир Ѓорчев, меѓународен секретар на ВМРО-ДПМНЕ.
Со одржување на вакви настани УМС на ВМРО-ДПМНЕ покажува дека е младинска организација во чекор со нејзините европски сестрински организации и со ништо не заостанува зад истите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.