Јајца на мерцедесот од соиграчите – шеговит подарок за простувањето на Мајкл Овен

Со размачкани јајца на мерцедесот, соиграчите од Стоук го прославија последниот меч во кариерата на Мајкл Овен. Некогашниот репрезентативец на Англија воопшто не настапи на дуелот со Тотенхем, пред два дена, а на заминување си го најде автомобилот со невообичаен декор.

– Оваа шега ќе ја паметам засекогаш. Ќе ми недостигаат ваквите моменти. Со вакви соиграчи можеби ќе размислам дали да се пензионирам – напиша Овен на профилот на „Твитер“. Честите повреди го спречија одличниот напаѓач да го презентира талентот во цел сјај, па и во Стоук ретко настапуваше.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.