Мразот што се наталожува на ѕидовите на фрижидерите придонесува за зголемување на потрошувачката на електрична енергија, тврди бугарската компанија „ЕнергоПро“. Според компанијата, еден сантиментар мраз наталожен на ѕидовите на ладилникот ја зголемува неговата потрошувачка на струја за дури 75 проценти.
Поради ова „ЕнергоПро“ препорачува редовно чистење на мразот од фрижидерот, како и негово поставување подалеку од шпоретот или печката.
– Со секое зголемување на околната температура за еден степен над 20 степени Целзиусови, потрошувачката на електрична енергија на ладилникот се зголемува за шест отсто, додава компанијата, нагласувајќи дека на фрижидерите отпаѓа 12 проценти од вкупната потрошувачка на струја во едно просечно семејство.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
