Започна новата НБА сезона, дебакл на Голден Стејт, шампионот рутински (видео)

Шампионот Кливленд го демолираше Њујорк Никс, Портланд беше поуспешен од Јута Џез, а големиот фаворит Голден Стејт загуби со дури 29 разлика од Сан Антонио Спарс – ова е епилогот од првите три меча од новата сезона во НБА лигата.

Актуелниот шампион немаше милост кон Кармело Ентони и другарите, па на отворањето на новата сезона во НБА лигата извојува убедлива победа над Њујорк Никс од 117-88. Кливленд во својот состав имаше неколку расположени кошаркари. Леброн го забележа првиот трипл-дабл (19 поени, 14 асистенции и 11 скока), Ирвинг запиша 29 поени и четири асистенции додека Кевин Лов мечот го заврши со 23 поени и 12 скока. Кај поразената екипа се издвои само Кармело Ентони со 19 коша и 5 асистенции.

Минатогодишниот финалист и рекордерот по бројот на победи во една сезона, екипата на Голден Стејт на почетокот на оваа година го доведе Кевин Дурант во своите редови по што се очекуваше целосна доминација особено во Западната конференција, но некогашниот шампион во лигата Сан Антонио Спарс најави дека нема така лесно да се предаде и го демолира големиот фаворит, славејќи со неверојатни 29 разлика 129-100. Спарси одиграа фантастичен меч, во сите четири четвртини постигнаа над 30 поени, а Ленард уште еднаш ја докажа својата класа, постигнувајќи 35 поени. ЛеМаркус Олдриџ забележа дабл-дабл учинок (26 поени и 14 скока), а солиден беше и Симонс со 20 поени. Кај поразената екипа Дурант постигна 27 поени, додека Стеф Кари застана на 26.

Утрово се одигра и мечот меѓу Портланд и Јута, а до прва победа стигаа Блејзерси, славејќи со 113-104. Фантастичен меч имаше Демјан Лилард, кој забележа скор од 39 поени, 9 скока и 6 асистенции. Кај Јута најпрецизен беше Џо Џонсон со 29 коша.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.