Сузан Сарандон: Хилари е поопасна од Трамп (Видео)

Актерката изјавила дека стратегијата за надворешната политика на Клинтон е таква што претставува огромен ризик по националната безбедност, многу повеќе отколку таа на Трамп.

Уште една позната личност е на страната на Трамп, а за тоа има добри аргументи. Станува збор за Сузан Сарандон, која изјавила дека стратегијата за надворешната политика на Хилари Клинтон е таква што претставува огромен ризик по националната безбедност.

-Верувам дека таа на некој начин е поопасна, рекла актерката минатиот четврток.

Сарандон која јавно го поддржала Берни Сандерс за претседател, детално образложила зошто гласањето за Хилари, иако е демократ, би било глупост.

-Според нејзините извештаи, ништо не научила од примерот со Ирак. Таа е за интервенција. Правела ужасни, ужасни работи, и тоа без многу срам, додала актерката.

-Не знам дали е таа оперирана од чувства. Мислам дека со неа ќе бидеме во Иран за две секунди. Тоа многу ме плаши и вознемирува, загрижено вели Сарандон.

Рекла дека идеите на Трамп се толку неверојатни, што одат и кон опасни.

-Со тоа се храниме. Тој е опасен, многу опасен. Не се грижам за ѕидот кој ќе се крене и за кој ќе плати Мексико. Тој сака да се ослободи од секој муслиман во оваа земја. Дали тој сака расизмот да биде вообичаена појава? Не сум сигурна каква е таа негова политика…

Од друга страна, како што вели Сарандон, надворешната политика на Клинтон е таква што ги имаме сите причини за паника.

-Знам каква е нејзината политика. Знам од каде ги добила парите и знам дека не работи транспарентно.

Сузан исто така предвидува дека Клинтон на крај ќе се соочи со обвинение поради користење на приватен мејл додека била државен секретар.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.