Ѓорчев: Народот е врховен арбитар, тој ќе ја состави Владата и ќе му каже „НЕ“ на она што СДСМ и Заев го ветуваат

Денешната посета на Фалиш, на Саракино, на Здуње на гостиварскиот и тетовскиот регион е во функција на што е можно повеќе контакти со граѓаните, да зборуваме со нив, да ги чуеме нивните проблеми, а исто така и да се порача дека Република Македонија треба да излезе од оваа криза и дека Република Македонија на 11 декември ќе порача дека ќе гласа и за државноста на Македонија и независноста и слободата на одлучување, но исто така големо „не“ за она што СДСМ, Зоран Заев и другите го ветуваат, истакна Влатко Ѓорчев од ВМРО-ДПМНЕ.

– Тие ветуваат работи кои што фундаментално ќе ги променат состојбите и односите во Македонија, а тие нивни ветувања во делот на уставниот поредок, во делот на унитарност ана Македонија ќе се почувствуваат во цела Македонија особено во региони и градови и села како што е овој, потенцираше тој по посетата.

Нашите позиции, додаде, се јасни, а тоа е одбрана на уставниот поредок, одбрана на унитарниот карактер и одбрана на она што се нарекува самостојност, самобитност и народот како врховен арбитар, значи народот ја составува Владата и тие се тие кои даваат или одземаат легитимитет.

– Исто така пораката е дека треба да се вратиме на економските теми на отворање на фабрики и нови работни места, рече Ѓорчев.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.