Вила Горица: Некогаш место за пречек на државни службеници, денес дувло за кучиња-скитници

Наместо туристички атракции кои би привлекувале туристи, имотите на Јосип Брос Тито низ поранешна Југославија главно пропаѓаат. Таков е случајот и со една од најомилените вили на Тито, која се наоѓа во Горица над Бугојно. Некогаш примала државници, а сега служи како депонија и азил за кучиња.

Немало да има таков развој, кој Бугојно го вброил меѓу најразвиените средини во поранешна Југославија, доколку не бил Јосип Броз Тито. Старите бугојанци и денес тврдат дека Бугојно му бил омилен град. Изброиле дека го посетил 17 пати. Резиденцијата над овој град му служела за одмор, рекреација, сериозни државнички работи, а најмногу за лов.

Едно од најубавите ловишта во Европа денес е пусто, а од вилата во Горица не останало ништо. Денес од неа останале само урнатини и засолниште за напуштени кучиња.

На местото на кое продефилирале бројни светски државници, екипата на српски „Курир“ разговарала со Митхат Млачо, пензионер од Бугојно. Вели дека секој ден оди до вилата да ги нахрани напуштените кучиња.

-Не би ги хранел ни јас да не е сопругата. Таа сака кучиња, им готви чорба, некогаш им даваме сува храна и млеко. Мора некој – вели Млачо.

Додава дека не му се јасни луѓето кои доаѓаат на местото на вилата за да остават кучиња. Често на отпадот гледа алкохоличари и наркомани. Се потсетил и како било некогаш.

-Беше прекрасно, прекрасно. Не можеше да се шета тука секој ден, но можеше да се дојде како гостин и да се постат сите објекти. А сега да видиш како ни е, ништо не ни чини. Работев 40 години за 300 марки – се потсетува овој пензионер.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.