Aирлија избори!!!Победуваме!!!!- повика претседателот на ВМРО-ДПМНЕ Никола Груевски од големиот собир во СЦ „Борис Трајковски“ кој беше претесен за сите кои сакаа да присуствуваат.
-Дојде времето за избори и дојде времето да го слушнат гласот на народот! Гласот кој долго време го игнорираа! Го потценија! Го исмеваа! Народот кој памети, е мудар и добро знае што е што, што точно се случуваше, и која е крајната цел! Дојдовме до тоа што долго време го чекаа македонските граѓани, дојдовме до посакуваната цел, која треба да значи почеток на крајот на кризата, дојде време за одговорот кој граѓаните им го спремаат веќе две години.
-Со тоа трпение нашиот, народ чекор по чекор дојде до посакуваната цел. Изборите. Моментот кога власта се враќа кај него и тој одлучува на кого ќе даде доверба да го води, кој може да ги решава неговите секојдневни проблеми, кој може да направи подобро за народот и државата, кој нема да ги изневери и кој ќе го чува нивниот грб. Време е за крај на кризата!
Нималку наивни дека тие овде ќе престанат, но свесни дека токму со овие избори ќе се покаже една јасна и недвосмислена волја на нашиот народ за напредок на својата татковина, но и порака до сите дека оваа земја е земја на граѓаните на Македонија и тие одлучуваат за нејзината иднина, никој друг не може да крои прекројува како што се туѓите интереси, туку за оваа земја одлучуваат нејзините граѓани и тие најдобро знаат кој треба да ги застапува- посочи Груевски денеска од партискиот собир.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
