Наполи се поклони пред „римската волчица“, Џеко двоен стрелец за римјаните (видео)

Рома стигна до голема победа во рамките од италијанскиот шампионат откако во дербито на колото славеше на гостински терен против Наполи со 1-3. Лучијано Спалети се реши да му даде предност на Един Џеко пред Стефан ел Шарави, а босанскиот ас максимално ја оправда довербата најавувајќи ја победата со два гола за водство од 0-2.

Кулибали, кој погреши при првиот гол за Рома, се искупи постигнувајќи гол со глава за 1-2, додека конечните 1-3 ги постави Мохамед Салах.

Рома со овој триумф го мина Наполи на табелата и се искачи на втората позиција со 16 бода, два помалку од лидерот Јувентус, кој вечерва го игра својот натпревар од осмото коло, на домашен терен против Удинезе.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.