Не нè плашат шарени револуции, УМС стои зад Никола Груевски

Ние сме тоа што сме благодарение на луѓето кои во изминативе години ја градеа партијата ВМРО-ДПМНЕ и истрале со својата работа во еден од најтешките периоди на партијата, изјави на синоќешната трибина на ветераните Владимир Нелоски, претседателот на Унијата на млади сили на ВМРО-ДПМНЕ.

-Денеска особена чест и гордост ми е што сум претседател на Унијата на млади сили, во ова време во која што се наоѓа нашата партија и држава и сакам да им порачам на сите пресутни во оваа сала, но и на сите млади кои не се пристуни вечерва да им пренесете дека: Ниедна лага на Социјалдемократскиот сојуз, ниедна шарена револуција, ниеден пленум нема да не обесхрабри и да не излаже како Унија на млади сили да престанеме да работиме. Напротив ќе ни даде само дополнителна сила да продолжиме и да застанеме зад човекот заради кој го имаме сево ова денес што го имаме како млади луѓе, а тоа е претседателот Никола Груевски, истакна на вчерашната панел дискусија Владимир Неловски претседател на унијата на млади сили на ВМРО-ДПМНЕ.

Нелоски посочи и дека младите во ВМРО-ДПМНЕ ја водат и ја движат партијата и дека на 11-ти декември ВМРО-ДПМНЕ ќе ја водат кон 11-та победа по ред.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.