Груевски – Хан: Исполнети се условите за одржување на изборите на 11 декември

Претседателот на ВМРО-ДПМНЕ, Никола Груевски, денеска оствари средба со Јоханес Хан, комесар за европска, соседска политика и преговори за проширување на Европската унија.
На средбата соговорниците разменија мислење за повеќе сфери и области вклучително актуелните политички случувања, темата за изборите и случувањата со емигрантската криза.

Соговорниците констатираа дека се исполнети условите за одржување на предвремените парламентарни избори на 11 декември.

Груевски посочи дека изборите се едиствениот начин за излез од политичката криза, а за веродостојноста на целокупниот процес и градењето доверба е потребен ангажманот и придонесот на сите полиички субјекти.

Груевски посочи дека ВМРО-ДПМНЕ принципиелно се придржува и го дава својот придонес во исполнување на политичкиот договор постигнат меѓу партиите.

Соговорниците разговараа и за предизвиците со емигрантската криза каде што Република Македонија во досегашното справување даде значаен придонес, при што за понатамошни активности беше заклучено дека е потребно заедничко и координирано дејствување во согласност со стратегиските определби на Унијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.