ВМРО-ДПМНЕ најавува викенд на отчет, реални проекти и дела

Политичката криза во нашата држава трае предолго. Таа е наметната од опозицијата. Кризата предизвикува не само политичка штета, туку и економска. Го раѓа разбирливото чувство на загриженост и несигурност кај граѓаните, а токму тоа е и целта на оние кои ја предизвикаа – забавување на растот, забавување на реформите, донесување деструкција и конфликтност, истакна денес Никола Тодоров, член на ИК на ВМРО-ДПМНЕ.

Тoј најави дел од активностите на владејачката партија за наредните неколку денови.

– Наредните денови ќе имаме партиски настани, собири и трибини на кои ќе се дискутираат нашите проекти, постигнувања, но и генерални политики. Ова ќе биде викенд на отчет, реални проекти и дела. Карактеристично за нашата партија и она што нас нѐ прави поразлични од нашите политички противници.  Додека тие се занимаваат со смислување начини како да одбегнат избори или како да продолжат со деструкцијата и да ја продлабочат кризата, ние дискутираме за реалните проблеми на луѓето, на граѓанинот, што е и наша обврска како политичари и се фокусираме на секојдневието на граѓаните, а не на маглата од негативизам која ја креира опозицијата – истакна Тодоров.

Наскоро поопширно…

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.