Јужнокорејската компанија „Самсунг“ соопшти денеска дека целосно ги прекинува производството и продажбата на смарт мобилните телефони „Галакси Ноут 7“ и ги повика сите кои ги поседуваат, веднаш да ги исклучат и да не ги употребуваат.
Ваквото решение на компанијата останува во сила, се додека не се утврдат причинита за самозапалувањето на овој мобилен телефон.
Во септември оваа година, „Самсунг“ веќе повлече 2,5 милиони вакви телефони, откако имаше примено бројни поплаки од потрошувачите дека батеријата на „Галакси 7“ експлодира или самата се запалува. Подоцна компанијата соопшти дека заменетите телефони од овој тип, се безбедни за користење, но набргу потоа се појавија нови случаи на самозапалување.
Еден сопственик на „Галакси 7“ од американаката сојузна држава Кентаки, пријавил дека се разбудил во текот на ноќта, кога забележал дека неговата спална соба е полна со чад од мобилката која почнувала да гори.
Истрага е започната и за случајот кога екипаж на еден авион кој летал во САД, побарал летот итно да се прекине, а леталото да се приземји на првиот аердором, откако било забележано како еден „Галакси 7“ телефон на патник во авионот, почнал да испушта чад.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
