18 загинати во експлозија на автомобил бомба во југоисточна Турција

18 луѓе загинаа, меѓу кои 10-мина војници, а 27 се ранети денеска во напад со автомобил бомба врз воен објект во југоисточниот турски округ Хакари.

Гувернерот на Хакари, Орхан Топрак изјави дека во нападот загинале 10 војници и осуммина цивили. Властите како извршители за нападот ги посочија бунтовниците на курдската работничка партија.

Автомобилот – бомба во него имал пет тони експлозив и бил активиран пред објектот Дурак во планинска област, на 20 километри од градот Шемдинли, во близина на границите со Ирак и Иран. Турската војска во меѓувреме почна одмазничка антитерористичка операција со учество на воено воздухопловните сили.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.