Ангеловски со една измена, Стефан Спировски ќе го засили средниот ред, Петровиќ се сели на клупата

Македонската фудбалска репрезентација вечерва сна арената „Филип Втори“ со почеток од 20.45 часот ќе го игра вториот квалификациски меч за СП 2018 на домашен терен, а за противник ќе го има големиот фаворит и четирикратен светски првак Италија.

По поразот од Израел следи меч со силните „азури“, а селекторот Игор Ангеловски најави дека нема да отстапува од своите замисли и формацијата 3-5-2, но мали промени ќе претрпи средниот ред. Се очекува во стартниот состав на „жолто-црвените“ од почетокот на мечот да се најде Стефан Спировски од Вардар, кој влезе од клупата на дуелот со Израелците, ја раздвижи играта и воедно асистираше за погодокот кој го постигна Несторовски.

Од првиот состав на клупата ќе биде преселен Милован Петровиќ од Осијек. Средниот ред на мечот против Италија може да претрпи и други промени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.