Истече радиоактивна содржина од пакети на аеодромот во Њу Делхи

Обезбедувањето на меѓународниот аеродром во Њу Делхи блокираше денеска дел од аеродромот по дојавата дека меѓу багажот се наоѓаат пакети со радиоактивна содржина, која истекува, соопшти полицијата.

– Петнаесет кутии, во кои е спакуван нуклеарен материјал се изолирани, за да се утврди дали содржината протекла, откако кутиите биле натоварени во авион на Ер Франс, изјави началникот на Секторот за безбедност на аеродромот во Њу Делхи, Сања Бахтиа.

Таа додаде дека товарот стигнал од Франција, аеродромските власти го забележале истекувањето и ги информирале надлежните.

– Ситуацијата е под контрола. Го исчистивме просторот за багаж и доведовме ескперти од Регулаторниот одбор за атомска енергија за да го испитаат материјалот, истакна Бахтија.

Пратаката била наменета за биомедицински компании во Њу Делхи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.