Сензација на Виган, Латикс го урнаа Манчестер сити и го освоија ФА купот

Виган е сензационалниот освојувач на националниот куп на Англија (ФА куп), откако вечерва Латикс ги победија локалните ривали од Манчестер, Сити, со 1-0. Вотсон е јунакот на тимот што се бори за опстанок во Премиерлигата и тој со гол во 90. минута му донесе прв, историски трофеј на Виган. Финалето се играше на Вембли, во Лондон, а неизвесноста траеше до последните секунди, кога аутсајдерот го урна апсолутниот фаворит. Со тоа популарните Латикс си обезбедија настап во Европа Лигата на УЕФА, иако можно е идната сезона да играат во понизок ранг, во Чемпионшип лигата. Богатиот Манчестер сити, кој лани ја освои шампионската титула во Премиерлигата, годинава остана без трофеј.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.