Премиерот Димитриев на погребот на Шимон Перес во Израел

Претседателот на Владата на Република Македонија за спроведување на изборите Емил Димитриев денеска во Ерусалим присуствува на државната меморијална церемонија и државен погреб на деветтиот претседател на Израел Шимон Перес.

Церемонијата на државниот погреб на Перес, кој почина во средата на 93-годиншна возраст, се одржува на израелските национални гробишта Гора Херци во Ерусалим.

На погребот на поранешниот претседател и премиер на Израел и добитник на Нобеловата награда за мир, присуствуваат голем број светски лидери, американскиот претседател Барак Обама, францускиот претседател Франсоа Оланд, високиот претставник на Европската унија за надворешна политика и безбедност Федерика Могерини, германскиот претседател Јоаким Гаук и британскиот принц Чарлс, ќе им се придружи и палестинскиот претседател Махмуд Абас.

Присуствуваат американскиот државен секретар Џон Кери, поранешниот претседател на САД Бил Клинтон, канадскиот премиер Џастин Трудо, шефот на британската дипломатија Борис Џонсон, шпанскиот крал Фелипе Шести, холандскиот премиер Марк Руте, претседателот на Европскиот совет Доналд Туск, поранешниот британски премиер Тони Блер и многу други.

Во Израел се воведени зајакнати мерки за безбедност, при што осум илјади полицајци ќе бидат мобилизирани во операцијата за која началиникот на полицијата во Ерусалим рече дека е без преседан.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.