Дегустација на вино, храна и многу забава за сечиј вкус, најавуваат организаторите на јубилејниот 10. по ред фестивал на вино „Виноскоп“ што почнува вечер и ќе трае до 2 октомври.
Фестивалот ќе се одржува на плоштадот „Мајка Тереза“ пред МОБ, секој ден од 12 часот. Го организира „Темов“, а покровител е Град Скопје. Влезот како и секоја година е бесплатен.
– И овојпат нудиме одлична забава за граѓаните. Во петте фестивалски ќе може да се дегустираат вино од десет македонски винарии, вински коктели-сангрија и вино мохито, како и македонски деликатеси: сирења, кашкавали, сувомеснати производи. Очекуваме посетеноста да биде поголема од претходните години, истакна градоначалникот Коце Трајановски.
Музичката програма ќе понуди џез, блуз, фолк, рок, поп, танго, ирска музика, етно, шлагери… Предвидени се настапи на Јаков Дренковски, Мики Јовановски – Џафер, Владо Јаневски, Куку Леле, млади домашни и бендови од Србија, како и журки со познати ди-џеи.
Како што информира Трајановски, Градот Скопје за годинашниот „Виноскоп“ одвоил 700.000 денари поддршка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
