Реми во Дортмунд, Лестер до втора победа, „старата дама“ супериорно во Загреб (видео)

Дербито од второто коло во групите Е, Ф, Г и Х се одигра во Дортмунд каде домашната екипа Борусија го пречека актуелниот европски шампион Реал Мадрид.
Иако Борусија се наоѓа во врвна форма од почетокот на сезоната сепак не можеше да стигне до уште еден триумф ремизирајќи со „кралевите“ (2-2).

Гостите од Мадрид на двапати водеа, но не успеаја да стигнат до триумф бидејќи Борусија помогната од 80.000 гледачи на „Сигнал Идуна парк“ не потклекна и успеа да извлече бод.
Кристијано Роналдо во 17. минута го доведе Реал до водство, но Германците не сакајќи така лесно да се предадат израмнија со голот на Обамејанг во 43. минута.

Во второто полувреме повторно следеше по еден гол на двете страни. Реал повторно дојде до водство со голот на Варан во 68. минута, а израмни Шурле во 87. минута.

Во вториот натпревар од оваа група, Спортинг Лисабон славеше против Легија Варшава на домашен терен со 2-0.

Англискиот шампион Лестер одлично тргна во дебитантската сезона во Лигата на шампионите. По првиот труимф против Бриж во првото коло, вечерва на домашен терен славеше минимална но заслужена победа над Порто со 1-0. Единствениот гол беше дело на новото засилување Слимани во 25. минута и со шест бода е лидер на табелата во групата Г пред Копенхаген кој има четири бода.

Токму Копенхаген е тимот кој заедно со Јувентус ги остварија најубедливите победи со по 4-0. Пред Данците потклекна Бриж кој е аутсајдер во оваа група и се чини дека ги загуби шансите за пласман во следната рунда по само две одиграни кола.

Старата дама“ без поголеми проблеми стигна до триумфот од 0-4 на гостувањето против Динамо Загреб во 2. коло од Лигата на шампионите во рамките на натпреварите од Групата Х.

Победникот на дуелот беше решен по само 30 минути игра, кога гостите дојдоа до предност од 0-2 со головите на Пјаниќ и Игуаин. Во второто полувреме, во 57. минута Дибала зголеми на 0-3, а Дани Алвеш во 86. минута ги постави конечните 0-4.

ГРУПА Е

ЦСКА Москва – Тотенхем 0-1

Монако – Леверкузен 1-1

ТАБЕЛА: Монако 4 бода, Тотенхем 4 бода, Леверкузен 2, ЦСКА 1 бод.

ГРУПА Ф

Борусија Д. – Реал Мадрид 2-2

Спортинг – Легија 2-0

ТАБЕЛА: Борусија Д. 4 бода, Реал Мадрид 4, Спортинг 3, Легија без бодови

ГРУПА Г

Копенхаген – Бриж 4-0

Лестер – Порто 1-0

ТАБЕЛА: Лестер 6 бода, Копенхаген 4, Порто 1, Бриж без бодови.

ГРУПА Х

Динамо З. – Јувентус 0-4

Севилја – Лион 1-0

ТАБЕЛА: Јувентус 4 бода, Севилја 4, Лион 3, Динамо З. без бодови

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.