Драма во Босна: По фудбалски меч, се обиделе да ги убијат судиите (Видео)

Судиите кои судеа на мечот Широки брег – Сараево доживеаја вистинска тортура на патот кон дома. Како што пренесува дневниот весник Аваз, главниот судија Огњен Ваљиќ призна дека тој и неговите колеги биле нападнати по излегувањето од градот.

– Удовиќ и јас се оддалечивме пет километри од градот во правец кон Бања Лука, кога црвен Форд Фокус помина, а потоа и нагло закочи и ни го попречи патот. Само благодарение на прибраноста на мојот колега успеавме да го избегнеме најлошото. Имаа намера да не убијат, затоа што не буткаа кон провалија. Зад себе имам милион поминати километри, но да бев јас зад воланот немаше да преживееме, вели судијата Ваљиќ за Аваз.

Ваљиќ важи за еден од најдобрите судии во БиХ, но му замериле што не покажа црвен картон по еден брутален старт.

– По две минути повторно три возила не поминаа и повторно ни го попречија патот. Удовиќ успеа на време да закочи и да вози половина километар наназад. Кога се свртевме повикавме полиција. Никој не ни се јави. Потоа контактиравме со луѓе од од фудбалскиот сојуз. Тие успеаја да ги контактира полициските специјалци, кои не повикаа и не известија да дојдеме на одредено место, каде не чекаа, додава тој.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.