Перо Антиќ, македонскиот кошаркарски интернационалец во дресот на грчки Олимпијакос, беше ударната игла на овој тим и еден од најзаслужните за пласманот на црвено-белите во финалето од Евролигата, но тој беше „забележан“ од присутните во салата и пред почетокот на средбата со ЦСКА.
Капитенот на репрезентацијата, барем според грчките новинари од Лондон и според приложените фотографии, бил „меркан“ од две атрактивни хостеси на интернет-обложувачницата „БВин“ за време на загревањето. Но, неговиот подоцнежен ефект од 13 поени и три скока на најдобар начин покажува дека ваквото внимание воопшто не го деконцентрирало нашиот кошаркар односно можеби и воопшто не било забележано од негова страна.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
