Специјалната не престанува да прави циркус од Собранието: Катица ја напушти собраниската седница (ВИДЕО)

Специјалната обвинителка Катица Јанева попладнево скандалозно ја напушти собраниската седница и им порача на пратениците дека нема намера да го брани Извештајот.

Специјалната јавна обвинителка Катица Јанева попладнево ја напушти седницата на собраниската Комисија за политички систем и односи меѓу заедниците изјавувајќи дека ќе дојде само на Пленарната седница на која ќе биде разгледуван Извештајот за работата на Специјалното јавно обвинителство. Јанева рече дека не се враќа повеќе на седницата бидејќи пратениците и правеле класичен мобинг.

Пратеничката Владанка Авировиќ  ѝ забележа на Јанева што наместо одговор на нејзините прашања, таа упатува пораки до институциите во РМ. Исто така, рече дека Јанева мора да даде одговор каде се потрошени средствата за кои нема образложение во Извештајот на СЈО и за неа е несфатливо како Јанева и нејзиниот тим работи на откривање на незаконски дејства од една страна, а од друга страна таа самата не е транспарентна и не покажува на кој начин се потрошени средствата што ѝ се доделени од буџетот.

По примерот на опозициската СДСМ која редовоно го дообјаснува лидерот Заев за искажаните ставови, попладнево преку соопштение до јавноста и СЈО ја дообјаснува Јанева.

„Појаснуваме дека иако предмет на разгледување на седницата на Комисијата за политички систем и односи меѓу заедниците беше вториот шестмесечен извештај за работатата на ова Јавно обвинителство, сепак специјалната јавна обвинителка Катица Јанева транспарентно одговараше и на сите поставени прашања кои не беа поврзани со извештајот“, стои во дообјаснувањето од СЈО.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.