Најдобрата македонска тенисерка Лина Ѓорческа запиша историски најдобар свој ранкинг, и во поединечна конкуренција и во игра на двојки, на најновата ВТА ранг листа објавена денеска.
Ѓорческа, во поединечна конкуренција, сега е на 210. место со 249 поени, напредувајќи за 12 позиции во однос на претходното рангирање. Ова е најдобриот ранкинг на македонската тенисерка во нејзината кариера доближувајќи се веќе и до најдобрите 200 тенисерки во светот.
Магдалена Стоилковска, пак, сега е на 1155. место напредувајќи за 42 позиции во однос на минатонеделното рангирање.
Во игра на двојки, по освојувањето на турнирот во Сент Мело, Ѓорческа напредуваше за извонредни 29 позиции, па сега е на 146. место со 491 поен. Стоилковска на рангирањето за игра во двојки е на 1060. место.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
