Убиениот маж бил пронајден во зградата на градоначалникот

Непознато машко лице со прострелна рана во главата е пронајдено утрово во ходник во зграда, лоцирана на булеварот „Октомвриска револуција“ во Куманово, потврди МВР.

Од СВР Куманово за „Република“ велат дела сѐ уште не е познат ни идентитетот, ни возраста на пронајденото мртво лице. На местото на настанот увид вршат екипи на крим-техника од МВР, јавното обвинителство и судска медицина.

Дописникот од Куманово за „Канал 5“ јавува дека во зградата и во истиот влез каде што е пронајден убиениот живее и градоначланик Зоран Дамјановски. Телевијзијата додава дека поради тоа во градот почнале да се шират разни шпекулации.

Увидот е во тек, пристапот до местото е забранет, а влезот и излезот од зградата контролирани.

Од МВР соопштија дека случајот во СВР Куманово е пријавен во 7.35 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.