Јанева одбива да му одговори на Димовски според кои критериуми ангажира експерти и колку точно разговори има СЈО? (ВИДЕО)

Катица Јанева со своето присуство го повлече тоа дека не го признава Собранието. Таа не е прв обвинител кој во Собранието презентира извештај, секоја година обвинители презентираат извештаи, изјави пратеникот и координатор на пратеничката група на ВМРО-ДПМНЕ Илија Димовски на собраниската Комисија за политички систем и односи меѓу заедниците.

Димовски ја запраша Јанева како се одвива процесот за ангажирање експерти, дали и какви критериуми се користат за избор и дали има јавни огласи.

-Извештајот кој го поднесе мора да содржи описи на сите постапки кои се водат во СЈО, рече Димовски и праша за изјавата на Зоран Заев кога кажа дека е најприслушкуван.

Ако е така, рече Димовски, значи најголем број разговори се на Заев и македонската јавност смета дека СЈО заштитува една политичка партија.

-Како е возможно да има постапка против Талевски а да нема против Заев. Дали дозволивте јавноста да мисли дека сте пристрасни, бидејќи Струмица потрошила 3 пати повеќе средства од Битола. Дали планирате граѓаните на Македонија да ги ставите на иста позиција ако знаеме дека градочалниците имаат исти обврски и еднакви обврски како граѓани на оваа држава. Поседување на незаконски стекнати разговори е кривично дело. Имаше една недела дискусија за тоа што е она што сте го добиле од Заев. Со 520.000 разговори во СЈО, Заев тврдеше дека има милион и 60 ијади доставено до СЈО, рече Димовски.

Димовски повторно праша колку точно разговори има СЈО и ако не се сите дали ги ги побарале да им се достават. Димовски праша дали се прекршува пресумпцијата на невиност, бидејќи во јавноста се создава таква слика и ја запраша Јанева зошто побарала преземање на случајот „Поткуп“, кога тој не произлегува од материјалите за кои СЈО е надлежно.

Јанева досега не одговори на ниту едно прашање. Кога доби можност за одговор, Јанева рече дека ќе се произнесе на крајот од седницата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.