Дербито на Италија за Интер, Јувентус на колена пред Перишиќ и Икарди (видео)

Во 234. дерби на Италија, екипата на Интер го победи Јувентус на „Џузепе Меаца“ со 2-1 (0-0). Во еден динамичен натпревар со шанси на двете страни, трите гола беа постигнати во второто полувреме, а на крај се радуваше домашната екипа.

По лошиот старт на новата сезона во Серија А лигата и во Лигата на Европа „Нероаѕурите“ смогнаа сили да одиграат одличен натпревар и да слават над актуелниот шампион кој не неприкосновен во последните неколку години.

Алегри се одлучи со Манџукиќ и Дибала во нападот, а Игуаин остана на клупата за резервни играчи. Интер беше поактивен во првите 20-ина минути, со неколку шанси на Икарди и Медел. „Старата дама“ ја презеде иницијативата пред полувремето, а Дибала ја имаше најизгледната шанса, но неговиот удар заврши покрај стативата на Хандановиќ.

Мрежите на Хандановиќ и Буфон во првиот, иако и двете екипи имаа неколку шанси за постигнување гол. Во второто полувреме „старата дама“ прва реализираше една шанса преку Лихштајнер кој успеа од непосредна близина да го доведе својот тим во водство откако претходно беше прекрасно проигран од Алекс Сандро.

Тоа како да ги разбуди избраниците на Де Бур кои веднаш во следната акција изведоа корнер, а на вистинското место се најде Икарди кој во манир на расен стрелец биеше прецизно во спротивниот агол на Буфон. Добриот момент и психолошката предност ја круниса хрватскиот интернационалец, Иван Перишиќ, кој одлично реагираше на центаршутот на Икарди и на голема радост на домашната публика ги постави конечните 2-1.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.