Двајца пијани штипјани синоќа тепале, кршеле возила и им се заканувале на сите што ќе ги сретнат.
Насилниците, како што информираат од МВР, со црвен „голф“ прво пресретнале друго возило во центарот на градот, го извадиле од возилото возачот и без причини го претепале.
Кога се обиделе од багажникот на сопствениот „голф“ да земат метални прачки за да го кршат возилото кое случајно го пресретнале, тепаниот возач успеал да избега и да пријави во полиција.
Во меѓувреме, двајцата пијани штипјани заминале и пресретнале друго такси- возило, и 61-годишниот таксист го претепале по што биле пресретнати од полицијата и приведени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
