Хаос во Грција: Страшни поплави ја зафатија целата земја, има и загинати (Фото – Видео)

Најмалку четири лица загинаа, додека едно се води како исчезнато во поплавите кои денес најмногу го зафатија југот и северот на Грција.

Во соопштението на противпожарната служба се вели дека до сега се пронајдени удавени две повозрасни жени и еден 90 годишен маж. Асошиејтед прес јави дека е пронајдено и безживотно тело и на 73 годишно лице.

Сите четири жртви се пронајдени на југот, на територијата на Пелопонез, а не северот на земјата неколку лица биле пријавени за исчезнати.

Во градот Пиргос, противпожарната бригада примила околу 150 повици за поплавени подруми и простории, како и за паднати дрва на патишта. И противпожарната скужба во Солун примила десетици повици за поплавени куќи и објекти во повеќе делови од градот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.