Македонскиот кошаркарски репрезентативец Дамјан Стојановски повторно се соочува со пауза откако на натпреварот со Велика Британија во саботата го повреди коленото. Лекарските прегледи (магнетна резонанца) направени во клиниката „Филип Втори“ покажаа дека се скинати предните вкрстени лигаменти на десното колено.
Стојановски ќе мора итно да биде опериран, а во тој случај, заедно со рехабилитацијата, паузата ќе трае меѓу шест и седум месеци.
Репрезентативецот на Македонија претходно имаше слична повреда, но на левото колено. Ова е сериозен удар за составот на селекторот Драган Раца во пресрет на следните четири натпревари до крајот на квалификациите за ЕП 2017.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
