Резултат од теренските посети на тимот на Груевски: Ќе се градат водоводна мрежа и нови спортски сали и ќе се реставрира мостот во Бучин

Нов водовод за 6 села во Македонски Брод, санација на мостови и чистење на каналската мрежа во Крушевско, нови спортски сали во Долнени беа меѓудругото точките разгледувани на вчерашниот тематски стостанок на лидерот на ВМРО-ДПМНЕ, Никола Груевски, со ресорните министри и градоначалници на кој се разгледуваа барањата на граѓаните од посетите на терен.

Ќе се гради водоводна мрежа во 6 села во Македонски Брод. Министерството за транспорт и врски  изработува проект за водовод од село Сушица, до село Зркле, а поминува низ селата Могилец, Горни и Долни Манастирец. Ќе се изработи проект по што ќе се распише тендер.

Освен во Валандово, и во Долнени и во Јосифово наредната година ќе почне градба на училишна спортска сала.

Договорена е конзервација и реставрирање на мостот во Бучин, кој претставува остаток од римскиот период и претставува значајно културно блато.

Министерката за култура, Елизабета Канчевска-Милевска, најави целосна реставрација на мостот и со тоа ќе се оствари долгогодишното барање за негова заштита.

За чистење на каналите во крушевското село Бучин ќе се додели нафта, а чистењето ќе се одвива во наредниот период, со што ќе се острани заканата за преплавување на постојната каналска мрежа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.