Почина Антон Роп, првиот декан на Факултетот за безбедност

На 83 годишна возраст денеска во Скопје почина Антон Роп, првиот декан на Факултетот за безбедност во Скопје.

Во текот на неговата кариера Роп бил вработен во Министерството за внатрешни работи каде бил началник на Одделението за криминалистичко-технички испитувања. Тој активно учествувал во формирањето на криминалистичките лаборатории, Одделението за дактилоскопска идентификација и Криминалистичкиот музеј при МВР.

Роп бил избран за прв декан на тогаш формираниот Факултет за безбедност во Скопје. Функцијата ја обавувал во два мандата, а бил и долгогодишен професор по крим. техника. Автор е на повеќе трудови од криминалистичката област и учествувал на повеќе меѓународни собири од кои најзначаен е колоквиумот на ИНТЕРПОЛ во Париз.

Посмртните останки на Антон Роп утре од 11 до 12 часот ќе бидат изложени во капелата на Градските гробишта Бутел во Скопје.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.