Турски судија избегал со мигрантите во Грција

Грчките власти привеле турски државјанин кој со мала група на мигранти пристигнал на островот Иос, тврдејќи дека е судија од Турција кој бега од властите по обидот за пуч.

Министерството за морепловство и трговија вели дека турскиот државјанин е приведен заради нелегален влез во Грција и дека навел дека ќе бара азил во земјата.

Имиграциските власти во меѓувреме ги испитуваат осумте турски офицери кои побараа азил откако со воен хеликоптер слетаа во Грција ден по обидот за воен преврат.

Шестмина пилоти и двајца авиомеханичари негираат вмешаност во превратот, додека Турција бара нивно екстрадирање.

Минатата недела седуммина турски државјани илегално влегле во Грција, тврдејќи дека бегаат од властите по обидот за пуч.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.