„Сите сте терористи“ – муслиманки избркани од ресторан во Париз (видео)

Сопственик на ресторан во предградие на Париз одбил да услужи две муслиманки со зборовите „Сите сте терористи“.

Тоа повторно создаде тензии во Франција. Настанот се случил синоќа, а една од жените која не била услужена го снимила инцидентот и го објавила видеото на социјалните мрежи.

На снимката се гледа како човекот на жените кои носат хиџаб им вели дека муслиманите се терористи и терористите се муслимани.

Овој настан предизвика луѓе да се соберат пред ресторанот, а на социјалните мрежи муслиманите повикуваат на протести.

Сопственикот на ресторанот кажал дека се кае, но бил лут затоа што негов пријател загинал лани во нападите во Париз.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.