Заложничка драма во центарот на Москва: Банкротиран бизнисмен се заканува дека ќе активира експлозив во Ситибанк! (видео)

Еден вооружен човек зел заложници во банката Ситибанк во центарот на Москва. Како што наведуваат странските медиуми, тој се заканува дека ќе ја разнесе банката во воздух. Се верува дека има околу 55-60 години. Околу вратот има кутија од која излегуваат жици, наведува ТАСС. Исто така, руската агенција пренесува дека тој напоменал дека неговата акција не е насочена против банката.

Наводно, засега пуштил еден човек од банката, а потоа уште една жена. Меѓутоа, внатре се наоѓале уште четири лица, а напаѓачот барал да разговара со полицијата.

Пред банката се наоѓале полициски возила кои го блокирале сообраќајот. Полицијата ги спречувала минувачите да и се приближат на банката.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.