Во 15 француски градови властите забранија носење на буркини, костум за капење за покривање на муслиманките, поради наводна загриженост од нови терористички напади. Поради ова вооружените полицајци почнаа да ги контролираат плажите и да им наредуваат на жените да ги соблекуваат буркините.
Иако одредени невладини организации подесоа тужби против градовите кои ги забрануваат буркините, се повеќе градови се решаваат за таа мерка, како би ги спречиле евентуалните судири на муслимани и немуслимани во Франција.
Од друга страна Шкотска го воведе хиџабот во своите редовни униформи како би ги охрабрила муслиманките да се приклучат на службата. И додека во минатото полицајците смееле да носат религиозни обележја само со одобрение на шефот, од сега муслиманската униформа стана дел од редовната униформа на шкотската полиција која сака да биде што попристапна на зедницата на која и служи.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
