Детали за масакрот во Изола: Дарко сакал да убива лекари по список (Видео)

На социјалните мрежи кружат се повеќе драматични снимки направени по престрелка во болница во словенечкото место Изола, во која вчера загинаа 36-годишниот доктор Луис Гујермо Бустаманте, 43-годишниот полицаец Иво Жнидаршиќ и 70-годишниот напаѓач Дарко Грегорич, а ранет е уште еден полицаец.

Мотивите за нападот се уште не се познати, а словенечката полиција соопшти дека 70-годишниот напаѓач во болницата стигнал со список со имиња на лекари што сакал да ги убие. Тој претходно бил осудуван поради грабеж на пошта.

Сведоците изјавија дека докторот бил застрелан во градниот кош. Потоа паднал на земја и почнал да ползи, но убиецот истрелал уште еден куршум во неговиот грб.

Во моментот на пукањето во болницата случајно се нашол и униформиран сообраќаен полицаец, кој почнал да пука за да го спречи убиецот во намерата, но и тој бил застрелан во градниот кош и веднаш починал.

Убиецот потоа излегол од болницата и седнал на клупа. По пет минути му се приближил вториот полицаец, во кој напаѓачот припукал и тешко го ранил. Следела престрелка во која загинал убиецот.

Словенските медиуми јавуваат дека напаѓачот бил искусен и прецизен стрелец. Тој бил во резервниот состав на полицијата, но оружјето со кое го извршил злосторството не било пријавено и немало врска со полицијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.