Дете на возраст од 12-14 години е бомбашот кој се разнесе на свадба и зацрни 50 семејства во Турција

Бомбашот кој изврши терористички напад синоќа, за време на свадба во турскиот град Газиантеп, најверојатно бил на возраст меѓу 12 и 14 години, изјавил претседателот Реџеп Тајип Ердоган, пишува весникот “Дејли Сабах”.

Говорејќи пред новинарите во Истанбул, Ердоган истакнал дека првичните податоци покажуваат трага на радикалната терористичка група “Исламска држава” кои неретко врбуваат млади членови да извршуваат самоубиствени напади.

За потсетување, во крвавиот напад во една сала за свадби, вчеравечер животот го загубија над 50 лица, а скоро сто беа повредени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.