Анкара:Турција се врти кон Русија, бидејќи НАТО не соработува со нас

Турскиот министер за надворешни работи, Мевлут Чавушоглу изјави дека Турција ги зацврстува врските со Русија, бидејќи Северноатланската алијанса(НАТО)одбива во целост да соработува со Анкара.

Тој најави поголема војна соработка со Русија.

Како што вели, Анкара е вознемирена поради недостатокот на волја во НАТО за соработка со Турција, која е нејзина членка.

-Изгледа дека членките на НАТО избегнуваат разговори за размена на технологијата и заедничките инвестиции. Турција има намера да ја развива својата одбрамбена индустрија и да го зајакне својот одбрамбен систем. Доколку е Русија заинтересирана, ние сме подготвени за можна соработка – рекол тој за Спутник.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.