Тотенхем, кој беше едно од најголемите изненадувања минатата сезона во Премиер-лигата, новиот шампионат го стартуваше со реми на гостувањето против Евертон. „Спарси“ можат да бидат и задоволни од освоениот бод со оглед на фактот дека Евертон водеше уште од самиот почеток со голот на Баркли, а згора на тоа Покетино остана и без помошта на првиот голман Уго Лорис, кој мораше да биде заменет уште во првото полувреме. Ворм со одлична интервенција спречи водство на „карамелите“ од 2-0, по што во вториот дел Ерик Ламела го постигна израмнувачкиот гол за Тотенхем.
Со идентични 1-1 заврши и дуелот меѓу Мидлсброу и Стоук. Алваро Негредо постигна гол за домаќините на својот камбек во Премиер-лигата, а бод за Стоук спаси Шакири со прекрасно изведен слободен удар.
Фер му ја донесе на Свонси победата на гостувањето против Барнли (0-1), додека ВБА славеше на гостувањето против Кристал палас со голот на Рондон во 74. минута.
Резултати:
Барнли – Свонси 0-1, Кристал палас – ВБА 0-1, Евертон – Тотенхем 1-1, Мидлсброу – Стоук 1-1, Саутемптон – Ватфорд 1-1.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Шок во Бордо: Суботиќ во бесознание, доби удар од голманот на Ст.Етјен
-
Кузмановска: Неспособната власт ги задолжи граѓаните за нови 21,1 милион евра
-
И јас трпев насилство од поранешниот партнер: Министерката си ја отвори душата!(видео)
-
Руси масовно дрифтаат во снег, ни полицијата не им може ништо (Видео)
