Виган на работ на испаѓање, Манчестер сити обезбеди пласман во ЛШ (видео)

Виган доживеа незгоден пораз од 2-3, на домашен терен од Свонси и се наоѓа во незавидна ситуација во битката за опстанок. На две кола до крајот, Виган заостанува за два бода во однос на конкурентите, а има и тежок распоред. Ќе му гостуваат на Арсенал, а во последната рунда од Премиерлигата во Англија ќе играат со директниот конкурент Астон Вила.

Виган на двапати водеше вечерва со головите на Еспиноза и на Мекарти, а по три големи грешки на одбраната на домаќините Ренџел, Шехтер и Тиендали направија пресврт и му донесоа победа на Свонси.

Во вториот натпревар Манчестер сити со голот на Един Џеко го победи Вест Бромвич Албион со 1-0 и го осигура настапот во Лигата на шампионите идната сезона. Актуелниот првак е на втората позиција со 75 бода, 10 помалку од новиот шампион Манчестер јунајтед.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.