Од четврток попладне и в петок повторно се најавува невреме со пороен дожд, грмежи, силни електрични празнења и силен ветер. УХМР информира дека в четврток попладне и в петок Македонија ќе биде под влијание на влажна и студена воздушна маса.
В петок, преку денот ќе дува засилен северен ветер, кој наместа ќе достигнува брзина и над 90 км/час и ќе предизвика значителен пад на дневната температура на воздухот, која наместа ќе биде и за 10 степени пониска во однос на претходните денови.
Во предупредувањето нема прецизирано дали врнежите ќе ја зафатат целата територија на Македонија или поединечни региони.
За време на викендот ќе преовладува стабилно и посвежо време. Во случај на појава на електрични празнења се препорачува поголема внимателност, да не се престојува на отворен простор и под осамени дрвја.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
