Пазарите се полни се свеж зеленчук, па искористете го тоа што ви го нудат. Прошетајте до најблискиот пазар, купете ти потребните состојки, свежи, се разбира, и уживајте во јадењето. Нема да погрешите ако направите полнети тиквички со ориз и со печурки. Нема да ви одземат многу време, а ќе уживате во крајниот резултат.
Состојки:
2 млади тиквички
250 грама ориз
250 грама свежи печурки
Кромид
2 зелени пиперки
2 домата
2 моркова
Лук, магдонос, сол, црн пипер, мешан зачин, оригано, црвена сол
Подготовка:
Убаво измијте ги и излупете ги младите тиквички. Пресечете ги на неколку делови и излупете ја внатрешноста. Тавата подмачкајте ја со масло за јадење или со путер. Наредете ги внатре тиквичките.
Оризот варете го десетина минути и потоа процедете го низ студена вода.
На шпорет загрејте масло за јадење во една тава. Додајте го ситно исечканиот кромид, зачинете со сол, црн пипер, мешан сув зеленчук и оставете го да се динстува. Потоа додајте ситно сечкани печурки, пиперки и моркови. Потоа додајте го оризот и пржете уште малку додека сета смеса не биде готова. На крај додајте ги исечканиот магдонос и лук. Со оваа смеса наполнете ги тиквичките. Доматите исечкајте ги на кругови и наредете ги врз тиквичките. Налејте вода до половина на тиквичките и во водата додајте доматно пире или рендан домат. Покријте ја тавата со капак. Нека се печат во рерна 45 минути. Десетина минути пред два бидат готови, извадете го капакот, да се потпечат.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
