Агим Ибраими стрелец за Астана, но неговиот тим е елиминиран во квалификациите за ЛШ (видео)

Монако успеа да го елиминира Фенербахче во еден од најинтересните дуели од третото квалификациско коло во Лигата на шампионите. „Кнезовите“ вечерва на домашен терен славеа со 3-1 и го надоместија поразот од 2-1 што го доживеаја во Истанбул. Радамел Фалкао постигна гол и имаше една асистенција, а потоа се повреди, а двоен стрелец за Монако беше Валере Жермен. Единствениот гол за Фенербахче беше дело на Емануел Еменике.

Олимпијакос е елиминиран од Хапоел Бер Шева, откако загуби на гостувањето во Израел со 1-0, а дома не успеа да слави (0-0).

Астана и Агим Ибраими имаа кобен финиш во Шкотска. По ремито (1-1) во Казахстан, Астана со голот токму на Агим Ибраими во 62.минута имаше резултат (1-1) за продолженија, но беше досуден пенал за Селтик во судиското продолжение од регуларниот тек, а голот (2-1) за пласман понатаму од белата точка го постигна Дембеле.

Celtic vs FC Astana 2-1 All Goals and… by FRHD2

Ајакс славеше со 1-2 на гостувањето во Солун против ПАОК и го надомести ремито (1-1) од првиот меч во Амстердам. Дејви Класен беше двоен стрелец за Ајакс на овој дуел.

Шахтјор Доњецк исто така останува без ЛШ. Украинскиот тим со водство од 2-0 замина на реваншот во Швајцарија против Јанг Бојс, но домаќинот славеше со идентичен резултат, со двата гола Јуја Кубо. Мечот отиде во продолженија, а потоа се решаваше на пенали, и Јанг Бојс славеше со 4-2.

Резултати, квалификации ЛШ:

КОПЕНХАГЕН – Астра 3-0, СТЕАУА – Спарта Прага 2-0, ХАПОЕЛ БЕР ШЕВА – Олимпијакос 1-0, ЈАНГ БОЈС – Шахтјор Доњецк 2-0 (4-2 на пенали), Паок – АЈАКС 1-2, САЛЦБУРГ – Партизани Тирана 2-0, Андерлехт – РОСТОВ 0-2, СЕЛТИК – Астана 2-1, ЛЕГИЈА – Тренчин 0-0, МОНАКО – Фенербахче 3-1.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.