Сексапилна фудбалерка ќе помине 15 години зад решетки (фото)

Една од најсексапилните фудбалерки, Колумбијката Јулијана Лопез, доби 15 години затвор поради шверцување дрога.

Иако многу години ќе помине зад решетки, Колумбијката е среќна поради тоа, пред сè поради тоа што прво ѝ беше одредена смртна казна, но властите во Кина, сепак, одредиле да биде помилувана, па казната беше намалена на само 15 години.

Фудбалерката на Лас Дивас од Меделин беше уапсена на аеродромот во Кина, а за време на претресот, цариниците пронајдоа кокаин сокриен во нејзиниот лаптоп.

Освен што се занимава со фудбал, Јулијана беше и мис на Колумбија, а работи и како моделка во својата држава. Таа беше уапсена заедно со нејзиното момче кога влегувале во кинескиот град Гуанжу.

Лопез често патувала во Кина, од каде што ја купувала дрогата, а потоа ја продавала во Колумбија по драстично повисока цена.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.