Се продава последниот југословенски дрес на Дражен Петровиќ (ВИДЕО)

Се продава последниот југословенски дрес на Дражен Петровиќ, а засега за него не треба да изделите многу, доволно е да ви се моткаат вишок 5.000 долари. Оваа „4“ е дресот што го носеше Петровиќ на последниот настап за Југославија на Светското првенство во Аргентина, кога СФРЈ со 92:75 го победи Советскиот Сојуз.

Сепак, мечот стана попознат по инцидентот во кој еден навивач влета со хрватско знаме на теренот, по што Владе Дивац го фрли знамето, што подоцна беше повод за прекин на пријателството со Петровиќ. За ова пријателство пред неколку години се сними специјален документарен филм на ЕСПН „Еднаш браќа“.
Аукцијата може да ја следите онлајн.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.