Зинедин Зидан даде интересен коментар за можноста Реал Мадрид да го ангажира Пол Погба од Јувентус, но францускиот репрезентативец не беше единственото нешто за кое говореше тренерот на Реал Мадрид за време на прес-конференцијата која ја одржа во Монтреал.
Популарниот Зизу истакна дека ќе мора да разговара со Џејмс Родригез за тоа каков ќе биде неговиот статус во новата натпреварувачка сезона, но дефинитивно најдиректната порака за слободен пат од „Сантијаго Бернабеу“ ја доби Хесе Родригез кој очигледно ќе биде приморан да си бара нова средина.
– Хесе е играч плус во мојот состав. Кога ќе видите, минатата сезона не одигра многу минути. Јас го сакам зошто ми се допаѓа како игра, но ако сум дел од неговото семејство би му го кажал следното: Барај си минутажа… Можеби ќе ја добие и во Реал – истакна тренерот на „кралскиот клуб“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
