Сензационално го елиминира Роџер Федерер од престижниот турнир во Лондон за прво свое финале на Вимблдон и поради одличната форма Милош Раониќ доби една од фаворитските улоги за претстојните Олимписки Игри. И покрај тоа, канадскиот тенисер одлучи да изостане поради страв од Зика вирусот.
– Со тешко срце морам да објавам дека се повлекувам од учеството на Олимписките игри. После мноу разговори со моето семејство и тренерите одлучив од зравствени причини, поради Зика вирусот да не играм во Рио. Ова беше многу тешка одлука која ја донесов и не би сакал да им влијаам на уште многу спортисти да го сторат истото. Сакам да и се заблагодарам на Тениската федерација на Канада како и Олимпискиот комитет за поддршата. Бев горд што бев дел од олимпискиот тим на Канада во Лондон во 2012 и ова лето ќе навивам за сите нив – напиша Милош Раониќ на својот фејсбук профил.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
