Терористичкиот напад во Ница однесе најмалку 84 животи, додека повеќе од 100 лица се сместени во болница. Бидејќи идентитетот на жртвите сè уште не е објавен, голем број семејства преку социјалните мрежи се обидуваат да дојдат до информации за своите најблиски.
– Мојот брат не се јавува на телефон. Ова е неговата фотографија. Ве молам јавете ако сте го виделе, е само еден од пораките објавени брзо по нападот.
– Ве молам помогнете ми, ова е мојата пријателка Шарлот, последен пат е видена синоќа на променадата, напишала корисничка на „Твитер“ објавувајќи фотографија од пријателката.
Неколку илјади луѓе користејќи хаштаг #RechercheNice побараа помош во пронаоѓањето на своите најблиски.
Многу луѓе споделуваа и корисни информации, како на пример во кои болници е потребно најмногу да се донира крв, како и кои таксисти нудат бесплатен превоз за тие на кои тоа им е најпотребно.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
